نصيحة أبوية

[موعود]

[


وراك يا ابني كن شوفي يقزيك =ولا عاد تا خذ من جنا بي وناسه
وانا مرادي يوم انا اجلس واحا كيك=شو فك ربيع القلب يغدي عماسه
من يوم اخذت امك وانا يا ابني ارجيك=مختار ٍ المنسب لاجل طيب ساسه
ان كان تسمعني فانا ودي أوصيك=لابد من يوم يعزيك ياسه
احذر رفيق لو ضحك لك يغويك=يورثك من دروب الردى والخساسه
يمها لك الدنيا بهرجه يمانيك=ويعيد الى جت حاجته والتماسه
والثاني اللي لى هرج لك يماليك=يشرف على غيبك وعنده سياسه
جازه من المعذار شي يكافيك=خلك معه شط عميق غطاسه
ورحب بضيفك حين ينزل محاجيك=وباده بفنجالٍ يطير عماسه
واضحك بوجهه حين يبدا يحاكيك=وارضه لياكظم خطاة الهداسه
ياطاب خيمك لو قلن مواشيك=طيب الرجل من بين عزمه وباسه
واسمع جوابي لاتحاقر بناخيك=ترى البناخي للرجل عز راسه
تراه ما والله بضدك يخليك=لو تزعله يا تيك من شان باسه
وان كان من بعض الهواجيس طاريك=اياك وايااللي بعرقه دناسه
ليا لاح لك قصر مبناه يدعيك=لا تنظر مبناه.. ناظر لساسه[/poem][/poem]

[A L K I N G]

احذر رفيق لو ضحك لك يغويك
يورثك من دروب الردى والخساسه
يمها لك الدنيا بهرجه يمانيك
ويعيد الى جت حاجته والتماسه


مشكور أخوي موعود على الطرح الرائع

[MOHAMMAD]

تسلم ايدينك أخوي موعود على هذه الابيات


لاتحرمنا جديدك


(( الله لايجيب ساعة الزعل بيني وبينك ))



تحيااتي لك

[الباحث]

ليا لاح لك قصر مبناه يدعيك
لا تنظر مبناه.. ناظر لساسه

صح لسانك ولا هنت

حقيقي روعه

[دحروش]

يعطــــــيك العافـــــيه ...

[أس‘ـَرِآرِ الـξ‘ـَيوُوُטּ]

ثااااااااااااااانكس

تسلم على الطرح

[هبة شمس الدين]

مزيد من التوفيق بإذن الله
لا تحرمنا جديدك