×أحسـ غير ـاسي×!
01-03-2008, 02:16 PM
السلام عليكم ورحمة الله وبركاته
مساكم الله بالخير جميعا ....
اليوم خطرت ببالي فكره على الماشي وحبيت انكم تشاركوني فيها ...
فكرة موضوعي هي انك تجيب لك قصه من واقع خيالك وانك تكون بطلها ..
وبقدر الامكان تخلي الخصه واقعيه قدر ماتقدر حتى لو هذي القصه كانت ..
كذبه ..
نبي نشوف اكثر واحد يبدع بما يكتب وبما تجول به افكاره ...
وانا اول من بيبدى ...
قصتي ايام الثانويه..
كنت في المدرسه الثانويه وكنت وقتها معيد في اولى ثانوي وكان معي شبااب شرواكم
بس للاسف عقل مافي مخلصين بكل ماتحويه الكلمه المهم عاد كلنا في الفصل ماسكين الجهه
الاخيره وكان عندنا مدرس عربي دب يالله يتحرك مسمينه بدر الدجا وكنا نلعب عليه بشياء واجد
ودايم انا ومحمد وخالد والصيني وسطام ننطرد من عنده بسبب السوالف والحركات الي جالسين
سويها المهم طفش مننا وكيل المدرسه ورصنا عنده بالغرفه وكان وقتها عدد المطرودين من الفصل
عشره نفر المهم قال بنقلكم بين الفصول كل واحد بفصل بروحه قام واحد من الشله نقز وقله
تكفى اخر مره والله ماعيدها وكان في صوته نبره بكاء فهلينا كلنا بالضحك في وجهه الوكيل
وطردنا برى غرفته المهم ونتفق كلنا اننا نطلع برى وكان اولنا خوينا سطام الي مخه فاصل وجاي
طاير الا الفراش واقف قدامه بالمرصاد فاتح ادينه قدام باب المبنى وثوبه في فمه وساد الباب سد
الا خوينا ماوقف الاكمل على نفس سرعته وينبرش من تحت البواب وجينا الباقين طايرين كلنا قام
الفراش يجري قدامنا والله ياضحكنا ضحك عليه المهم طلعنا ورحنا برى المدرسه نفطر وبعد ماخلصنا
الفطور قلنا بنروح ناخذ فره على سيارة الصيني عاد سيارة الصيني هذي جمس والسياره مي له
لبوه الله يحفظه المهم رحنا نفرفر بالشوارع الا وقفنا عند بقاله اخذنا عصير وبساكيت ومشينا الا ابو
الصيني يطردنا والولد شكل وجهه وراح وجهه الوان والشبااب الله يهداهم يريشون بالصيني ويقولوله
لا توقف ماعليك منه لو وقفت بيطقك المهم والله الولد استانس سار يسرع ويضحك على ابوهـ
الحمد لله والشكر على على نعمة العقل المهم الا رجعنا للمدرسه ودخلنا والصيني هذا مادخل
رجع يكمل المطارد مع ابوه رجعنا المدرسه عقب الفسحه وجينا للحصه الرابعه الا عندنا مدرس
التاريخ الي راسه رايح مثل مفتاح العجل الا قام يشرحلنا ويقص علينا قصص الغزوات الا كل الفصل
في سبات وكل واحد حضن الماصه ونام وبعد انتهاء الحصه صحينا على دخلت مدرس العنقليزي
مدرس العنقليزي هذا بنقالي معاه ماجستير ودارس ببريطانيا ومن بريطانيا على السعوديه
كلمه وحده عربي مايعرف المهم كنا نسوي فيه العجايب كانو الشباب يتجمعون عليه يصححون
الكتب واثنين يطمرون من الدريشه وينطون على الممر ويدقون الباب ويستاذنون منه ويدخلون
وبعدها ينط واحد من الاثنين من الدريشه ويرجع يدق الباب ويدخل وكل يوم على اثنين على
هالحال لين صادنا ونادالنا الوكيل ولعب بحسبتنا الوكيل هذا طلع الملعون عنده لغه عنقليزيه
وفهم السالفه كلها والله يا انضربنا ضرب على كيف كيفكم .. ويوم جات الاختبارات الا انواع الوناسه
جات معها طلعات بعد الاختبارات وغزل بالبنات ونااااسه حطو تحتها خطين وشوي لحم ومره دجاج
لا طفرنا بالاخير كيف جاء النجاح ما ادري المهم اني نجحت وعدت وصارت هذي كلها ذكريات
تمر من حين لا اخر واجلس اضحك على كل شيء قد صار على العموم انشاء الله قصتي نالت
اعجابكم ...
وابي اشوف كل انسان وشلون بيصيغ قصته ..
:050103sml_1_prv:
مساكم الله بالخير جميعا ....
اليوم خطرت ببالي فكره على الماشي وحبيت انكم تشاركوني فيها ...
فكرة موضوعي هي انك تجيب لك قصه من واقع خيالك وانك تكون بطلها ..
وبقدر الامكان تخلي الخصه واقعيه قدر ماتقدر حتى لو هذي القصه كانت ..
كذبه ..
نبي نشوف اكثر واحد يبدع بما يكتب وبما تجول به افكاره ...
وانا اول من بيبدى ...
قصتي ايام الثانويه..
كنت في المدرسه الثانويه وكنت وقتها معيد في اولى ثانوي وكان معي شبااب شرواكم
بس للاسف عقل مافي مخلصين بكل ماتحويه الكلمه المهم عاد كلنا في الفصل ماسكين الجهه
الاخيره وكان عندنا مدرس عربي دب يالله يتحرك مسمينه بدر الدجا وكنا نلعب عليه بشياء واجد
ودايم انا ومحمد وخالد والصيني وسطام ننطرد من عنده بسبب السوالف والحركات الي جالسين
سويها المهم طفش مننا وكيل المدرسه ورصنا عنده بالغرفه وكان وقتها عدد المطرودين من الفصل
عشره نفر المهم قال بنقلكم بين الفصول كل واحد بفصل بروحه قام واحد من الشله نقز وقله
تكفى اخر مره والله ماعيدها وكان في صوته نبره بكاء فهلينا كلنا بالضحك في وجهه الوكيل
وطردنا برى غرفته المهم ونتفق كلنا اننا نطلع برى وكان اولنا خوينا سطام الي مخه فاصل وجاي
طاير الا الفراش واقف قدامه بالمرصاد فاتح ادينه قدام باب المبنى وثوبه في فمه وساد الباب سد
الا خوينا ماوقف الاكمل على نفس سرعته وينبرش من تحت البواب وجينا الباقين طايرين كلنا قام
الفراش يجري قدامنا والله ياضحكنا ضحك عليه المهم طلعنا ورحنا برى المدرسه نفطر وبعد ماخلصنا
الفطور قلنا بنروح ناخذ فره على سيارة الصيني عاد سيارة الصيني هذي جمس والسياره مي له
لبوه الله يحفظه المهم رحنا نفرفر بالشوارع الا وقفنا عند بقاله اخذنا عصير وبساكيت ومشينا الا ابو
الصيني يطردنا والولد شكل وجهه وراح وجهه الوان والشبااب الله يهداهم يريشون بالصيني ويقولوله
لا توقف ماعليك منه لو وقفت بيطقك المهم والله الولد استانس سار يسرع ويضحك على ابوهـ
الحمد لله والشكر على على نعمة العقل المهم الا رجعنا للمدرسه ودخلنا والصيني هذا مادخل
رجع يكمل المطارد مع ابوه رجعنا المدرسه عقب الفسحه وجينا للحصه الرابعه الا عندنا مدرس
التاريخ الي راسه رايح مثل مفتاح العجل الا قام يشرحلنا ويقص علينا قصص الغزوات الا كل الفصل
في سبات وكل واحد حضن الماصه ونام وبعد انتهاء الحصه صحينا على دخلت مدرس العنقليزي
مدرس العنقليزي هذا بنقالي معاه ماجستير ودارس ببريطانيا ومن بريطانيا على السعوديه
كلمه وحده عربي مايعرف المهم كنا نسوي فيه العجايب كانو الشباب يتجمعون عليه يصححون
الكتب واثنين يطمرون من الدريشه وينطون على الممر ويدقون الباب ويستاذنون منه ويدخلون
وبعدها ينط واحد من الاثنين من الدريشه ويرجع يدق الباب ويدخل وكل يوم على اثنين على
هالحال لين صادنا ونادالنا الوكيل ولعب بحسبتنا الوكيل هذا طلع الملعون عنده لغه عنقليزيه
وفهم السالفه كلها والله يا انضربنا ضرب على كيف كيفكم .. ويوم جات الاختبارات الا انواع الوناسه
جات معها طلعات بعد الاختبارات وغزل بالبنات ونااااسه حطو تحتها خطين وشوي لحم ومره دجاج
لا طفرنا بالاخير كيف جاء النجاح ما ادري المهم اني نجحت وعدت وصارت هذي كلها ذكريات
تمر من حين لا اخر واجلس اضحك على كل شيء قد صار على العموم انشاء الله قصتي نالت
اعجابكم ...
وابي اشوف كل انسان وشلون بيصيغ قصته ..
:050103sml_1_prv: