بغيت انسى [الأرشيف] - منتديات اروع غرام

khalidsf

07-09-2006, 08:36 AM

احبتي في اروع غرام تحدوني احزان كثر لابوح لكم وافضفض عن مثقل اوجاعي لاتغضبوا علي انتم ملاذ بوحي
حتى وان اكثرت الحضور بكم ولكم تحيا القصائد ارجو منحي مساحة حب ولو صغيره في قلوبكم صدقوني ليست الرغبه في النشر وانما الحاجه الى ان تشاركوني مابجوفي من تداعيات هي الدافع الحقيقي لحضوري هنا اضع متواضع حرفي امام قلوبكم بامل ان ينال ميسور رضاكم

على طاري بغيت انسى نسيت البارحه لنساك
ذكرتك لين نسياني نساني في محطاتك
وش انسى دامك المرسى وانا ا لعايش على ذكراك
حرام الموت في لحظه غيابي عن مناجاتك
تعال وغطني جفنك وانا جفني يصير غطاك
ابفرش لك خفوقي والضلوع العوج مركاتك
ابدلك عن جميع الخلق واسكن داخلك وابقاك
اصير اقرب من حروف الكلام لطاهر شفاتك
اتوهك واستدلك ثم اتوهك داخلك والقاك
ابسكن خافقك حتى اصير بداخلك ذاتك
ابشرب من عروقك لين تروى رغبتي بدماك
ابسقيك الوريد ودم جوفي واكسب رضاتك
بهيم بغربتك ليل ومتاهات وسفر وافلاك
ابسهر فيك واسمر مع دجى ليلك ونجماتك
ابيك الضحك والفرحه بشوف العيد في عيناك
وابيك اكثر حزن من جور عبراتك ودمعاتك
بزورك في دجى ليل المساري غايتي لقياك
بضمك ثم أتوه الليل كله عن نهاياتك
ابغرق في بحر سود العيون وبشربك وارواك
بهجك في خفوقي حلم يطوي بي مسافاتك
ابي تكره غيابك يوم تذكر مبعدات خطاك
ابي تشتاقني بين انتهاض الرمش واغضاتك
اهيجن لك ابي اسمع صدى صوت الغنى جواك
تهيجن لي تبي تسمع صدى صوتك وكلماتك
ابيك تعيشني واْخذ الخفوق وماحوى يفداك
وابي قلبك لي الملفى وبستوطن مساحاتك
ابي بيض النوايا هي نصيبي في حدود حماك
وانا بفتح لك ابواب المدينه وانت وسواتك
خذ بثارك من غيابك وانا باخذ بثار بطاك
ابقتل فيك كل غياب واحيي فيك جياتك
حبيبي مابقى فيني بقايا تستحق جفاك
بقى تالي هداد ضلوع تنعى ضيم طعناتك
انا محتاج لك ماعاد حيلي يا لجفا يقواك
تعال وظمني واترك حديث التيه لمرآتك
وعد مني آليا ضمت يميني يا الغلا يمناك
نذر لـنسى معك ما فات من عمري وما فاتك
وإذا لازال بك رغبه تهجك للجفاء تنخاك
وعجز قلبي يردك عن نوايا درب غاياتك
فلا لي حول بعد الله ولالي قوة تقواك
بلوح في أمان الله ياالمقفي بمشهاتك
وبرجع من جديد أنسى وبنسى لا أذكرك وأنساك
وبظل أنسى وأعيد أنسى الين أنسى بداياتك

خالد السريح
6/9/2006

اميرة الاحزان

07-09-2006, 12:00 PM

مشكور اى خالد كلامت حزينة تدل على
الفراق الحزن يمتلك قلبة

لاتدعى للاحزان وادعى للفرح وللسرور

عيش لمن تحب

تحياتى لك

اميرة الاحزان

MOHAMMAD

07-09-2006, 12:10 PM

اهنئك اخوي خالد على بوحك المعبر الموزون بتصور وطواريق مميزه ومختاره باسلوبك للكتابة ،،،،

والله لايجيب ساعة الحزن

تحياتي لك /لاتحرمنا من جديدك

jno0ony..Ice

07-09-2006, 05:33 PM

مشكووور خالد ع القصيد الرووووووووووعه

سلمت اناملك الجميله

ننتظر جديدك

........حبيـ

قمر نايم

07-09-2006, 08:56 PM

وااااااااااااااااااااااااااااااااااااااااااااااااا اااااااااااااااااااااااااو
روعه بس حزين
ولا يهمك الدنيا حلوة بس نفهمها
مررررررررررررررررررة حلوة تسلم لا تنسنا

ترى هذي الدنيا فانيه بس هي توئم حياتي