سلوكيااااااااااااااااااات؟؟

[SNEEK]

لاحظت أخطاء سلوكية في حياتنا ...
فحبيت أن أوضح لكم الخطأ ... وأحاول أن أصلحه لكم بسلوك تربوي أبوي ...
بسم الله نبدأ ..

خطأ :
عندما يصطدم بك أحد وأنت تمشي .. ثم تسقط كتبك ... ثم تأخذها وتمشي .. وكل منكما يتأسف للآخر ...

الصحيح :
تمسكه من ثوبه ...

وتصكه بالجدار ..

وترفسه مع بطنه .. وحبذا تنهيها بركبة وإلا كوع ...

ثم تقول له ..
حوول وين عيونك انته ؟! شل الكتب لأرقع هالتلفون على راسك ..

خطأ :
واقف عند الإشاره وتكون منشغل اتدور ورقه في السياره وولعت حمرا وانته اتأخرت ثانيتين .. وتسمع اللي وراك حارق الهرن ... وانته مسكين اتشوفه من المرايه الجانبيه ... وتلقاه طالعله ستين ألف قرن .. ثم تأشرله بيدك تتأسف ...

الصحيح :

تنزل له وابتسامة كريست على ويهك ... ودق الدريشة عليه ... وأول مايفتحها ... جره من كشته

...وعطه بالعقال لين لين لين لين يقول العيد الليلة ...
>>>>>>>>>>>>> حلوة الحركه !!
ثم ..
وقله مرة ثانية لو الاشارة خضرا .. حمرا .. تصير زرقا ... تاكل تبن وتسكت .. فاهم

خطأ :

تدخل المحاضرة متأخر ... ويروغك الدكتور .. ياللي فيك وفيك وفيك ...وماأدري ماذا يخطيك

ويرقع الباب فويهك .. وانته اعلى نياتك تروح وعيونك كلها دموع ...

الصحيح :
إترياه بسيارتك برع .. وأول ما يتحرك لبيتهم .. حدّه على جدار ... والا حاول تخليه يصدم سيارة ..

ثم ..
طلع راسك مع الدريشة ... واضحك ..
>>> ترا الحركه فيها نذاله وتقهر so تنفع

خطأ :

جالس مع ربعك الشباب ... وعندكم قواطي كولا ... ...
وكان يرن التلفون فطلعت تكلم ... فيقوم ربيعك ويخض القوطي ... وانته على نياتك تي وتفتح القوطي ...
وتروح الكشه مع الويه والثوب .. ويضحكون عليك .. فتقول ... هههههه الله يخض راسك والله لارد لك المقلب ..

الصحيح :

تمسكه ... مع رجووووله ... وتقطه على الأرض ... وتيب قوطي كولا.. وترجهووو رجا مبرحا ... ثم تفتحه في وجهه ...

ثم ..
تقوله اصغر عيالك انا ؟ ... وهالمرة بسمح لك عشان خاطر الموجودين .. والا تدري !! ...
خل العلبه مفتوحه وحطها في مخباته وقوله ما يطلعها لين تطلعون لول ...

خطأ :

رايح الحلاق وتبا تتكشخ ومتحمس واتقول للهندي ابا كذا وسولي كذا
وهو يقولك ..
أنا في معلوم .. أنت ريلااااكس بس ...
وتتركه ... وتلقاه شال نص اللحيه والشوارب ..

ثم تغسل طرف شراعه ... وتحاسب وتطلع ... وتقول والله ما اتحلق عنده هالثور مره ثانيه ...


الصحيح :
..
تاخذ الموس ... وتخربط براسه ... وشنبه ولحيته ... واذا تحلق راسه عكس ما يضر لول ...

ولاتحاسبه ... وحبذا لو جلدته ... (( على حسب الموجودين ... لو ماعنده أحد أجلده )) ..
ثم ..
قل بينك وبين نفسك ... والله ما اتحلق عنده مرة ثانيه ...

خطأ :

تمشي بالحارة .... مثلا رايح للمسجد ... واييك واحد من هالبزران ... ويفلعك بحصاة ..

ثم تلعن الشيطان وتعوذ من إبليس ... وتكمل دربك .. تقول بزر ما ينلام ...

الصحيح :
..
حط عقلك بعقله محد قاله يفلع هالراس الجميل ... <<<حلوة ذي- وإن ضربته ... فهو خير ونعمة ...
وإن ماضربته ... خذ عصا .. وآهاااأ بس خوفه لا تظربه
إن صاح خير ونعمة ...
وإن ماصاح .. فاتركه ... ورح صل وانه التزاماتك... بس بعدين رد له كان لقيته وتفرّغ له ...
... وعلى مسؤوليتي بيصيح الفرخ عادي الحين ها ها ها ...

خطأ :

راكب سيارتك مستعجل ... وكل اشارة توقف عندها ... حتى الاشارات اللي مافيهن أحد ..

الصحيح :

حتى لو انت مب مستعجل ... اقطع الاشارة ... الاشارة حطوها للي مايعرفون يسوقون ...
>>> be like me

خطأ :

متابع فيلم .. ومتحمس .. وايجي واحد من اخوانك ويغير القناة بدون مايشاورك ...
ثم تقوله ليش ياخي ماتشوفني أتابع؟؟ <<<هذا كلش مؤدب

الصحيح :

الحقه بواير ولا اي شي حذالك ... وخذ منه الريموت .. بدون ماتكلمه ... وحط فيلمك ... وتابعه بصدر رحب ...

----------------------------------

ان شاء الله ما طولت عليكم ... <<< خطأ

الصحيح :

اذا طولت هذا شيء راجع لى منو قالكم تقرون ؟؟
ههههههه ..


هاه وش رايكم كلامي كأنه صحيح ميه ميه-طبوا عليك الحراميه<<<بدايخربط

أعجبكم



تحياتي

[مداوي الأحزان]

:11: السلام عليكم ورحمة الله وبركاته :11:


:10: مشكووو اخوي على الموضوووع الشيق :10:


:16: الي يقراء الموضوووع يقول أخس يالقوي يالملقوووف طبعن مو أنت ( الشخص ) الي في القصص :16:


:7: يسلمووو :7:

:12: (نتشرف بك) :12:

:17: اسعتنى في حضورك :17:

أخوكم

:14: مـــــــــــــــداوي الأحـــــــــــــــزان :14:

[حــركــااااااات]

مــشــكــولر أخوي على الموضوع الشيق


خلاص كل الي كتبته بجربه :14:


ويعطيك العافيه


بانتضار جديدك المشوق

A

[جسور الهمس]

هههههههههههههههههههااايي

ما شاء الله عليك ... هذا بدال ماتكحلها تبي تعميها

:14:



مشكور سنيكـ ,, وربيـ يعطيكـ العافية

تحيتي